Editorial La Hora
lahora@lahora.com.gt
Español – Q’eqchi’ – Kaqchikel – K’iche’ – Mam
Pa ri ramaj qana’on chi qichinan jun rutzijol chin Washington Post akuchi’ niya’ox rejqalem ri kisamaj ri q’asab’äl taq tzij pa ri ruwach’ulew, nub’ij chi pa jujun mejaj chin ri tzijob’äl b’anob’al chin jun amaq’ k’o jun ajtalutzijöl ri nuya’ tzijöl tzij pa ruwi’ ri tzijob’äl b’anob’al, numöl ri xb’anatäj, majun nutz’ët ri k’aywal ruma’ ri tzijob’äl nuya’ uchuq’ab’il, ri tzijob’äl nuya’ q’ij chin yach’ob’on chuqa’ ri tzijob’äl nuya’ jamalil chiqe’.
Pa re jun mojaj nab’tzij re’ nqajowaj chi xtumöl xtutun ri ronojel ri ch’ijo’ ri xkojruto’ xtik’oje’ jun Iximulew mejunam ruma’ ri, xqach’ob’ ri ruk’atzil chin nintun k’in ak’axab’em tzij k’in tzijob’äl, b’ankil, b’anikilal chuqa’ q’ijul ri xtutz’aqatarisäj rajil keri’ rub’anikil xqach’ob’ chin nib’än tzijöl pa kaji’ Mayab’ ch’ab’äl.
Ntikir wakami chuqa matyox ruma jun juna’oj k’in ri Federacion Guatemalteca de Escuelas Radiófonicas (FGER), yojilitäj pa retal b’anem chin tunïk k’ink’in q’axanela’ pa jalajöj perulew chin ri amaq’ pa taq Mayab’ Ch’ab’äl Kaqchikel, Q’eqchi’, K’iche’ y Mam ruma qetaman k’in ronojel qak’u’x chi man xa xe ta k’atzinel rutunïk k’in k’ak’a’ ak’axab’em taq tzij, chuqa’ k’atzinel nkoje’ qetamalil chin yojtzijon pa jalajön b’anikil akuchi’ juley k’an jeb’ël nkina’.
Ri paponïk tzij k’in FGER ja rupam ri ch’ijo’ chin Ri Ramaj chin mita q’inïk paponïk tzij kik’in jalajöj molaj chin ri amaq’. Retamalil richin ruk’iyixïk ri tzalq’omanïk, kichin k’a ri, pa pamoq’aj ri xtisamajix, xok jun tikomal pa ri jikib’anïk ch’ob’onïk, keri’ chuqa’ ri rayb’äl xtib’än k’o chi nelk’uxaj pa taq tinaminatil naläx pa rujotayil saqil chin xkojruto’ richin keri’ ri k’iyirisanem xa xtutun ri chuqa xtutz’aqatarisäj rajil konojel ri qiyujun ki’. Ri paponïk tzij nub’ij pe rajil ri k’o chi ri FGER ru’elitzijolal rutz’alamawäch chi k’o tijwujil saqil.
wakami’ jari’ FGER, po ri ch’ijo’ k’a xtutzäq chire’ richin rutz’aqaxïk ri tunïk kik’in ri winaqi’, molsamaj, chin winaqilal winaqil, to’ol ri’il chuqa’ juley chik winaqi’ chojajil chuqa pa rub’eyal tzij ri nq’ax chi kiwäch chi, pa ruwi’ ri nuk’atzuj natun ch’ijo, k’o chi yojtikir yojnojin, yojch’b’on pa ruxe’el rucholajem jun nuk’ulem ri majun nuya’ q’ij chin jun k’iyernem pwaqil, ruma k’a ewan na ri okib’alil chin eleq’anïk.
K’ïy winaqi’ pa iximulew, pa q’ijlaj achi’el ri Mayab’ Ch’ab’äl, nutz’ët ru’aponïk kan xanäj chire’ ri amaq’ ri xerutz’ët xe’aläx, ruma’ achi’el winaqirem eqayo’on kan chi qij k’ïy winaqi’, ruma ri ri’ k’utunel chin raxnaqil, tijonïk chuqa ch’aqchik tikomal ri nqitäj kiq’ij pa ruwi’ ri k’iyirsanem winäq xa richin yatzuye’ chin yatoq’.
Winaqi’ chuqa’ molsamaj ri k’o qaramajil k’o chi k’a tikirel na nqak’ul, tiq’äx chi qawäch chi majun keqaya kan e k’ïy winaqi’ chi qij, chi yeqachuq’ab’ij ri winaqi’ k’in ramajil ütz richin ri pwaqil, ruma nuk’em pe k’ïy k’ayij kichin ri wachnäq chuqa patan ri nqawachij chuqa ri chuwäq, rijinem pa kiwi’ ri winaqi’, xtik’oje’ k’ïy ruq’ab’a´l samaj richin ruq’i’ik ri rayb’enïk.
Ri aponïk richin ri amaq’ man xa xe ta pa kiq’a’ ri ch’ob’, q’atöy tzij chuqa’, k’o chi nkoje’ ch’uch’ujil k’aslem richin nqetamäj ri majun ütz qab’anun, chi majun qak’uwan pa rub’eyal ri ützilaj wujil winaqilal.
Pa Ri Ramaj oj k’o pa rutun chin nqak’ïs wok’al juna nqajo’ nqatzuyb’a’ ri ruxe’el richin ri ojer aponïk.
Publicación en La Hora
Traducción realizada por Federación Guatemalteca de Escuelas Radiofónicas FGER/radiofger@fger.org