B’inchal pokb’al La Hora
lahora@lahora.com.gt
Español – Q’eqchi’ – Kaqchikel – K’iche’ – Mam
Tuj pokb’al La Hora tzin qna’n tisa te qe’ junt te Washigton Post ja no’ka tipamal aquntl kyu’ qe’ yolb’al twitz t’xot’x, ntzaj tqb’a’ ti t-tyoljilj jun nim tnom, at xin q’ilwa tumal ntzaj qb’anta tyoljilj, nok tmojb’an tib’ tij nb’aj jte’xa chojlb’alta tij tun tzun tpokb’al nok qonta tipamal tpokb’al ntzaj qonta jun tumal qe t’un ti ktemal qu’ b’ix jaj tpokb’al nkyaj qonta qe sasj.
Tuj tzunj t-txola lu nkub’zan t’zaq tuj qwitz noqtza t-chmon tib’ te kyqil qipamala tunt tok jun paxil jun wiqxatl b’ix tuntzunja, nkub’ qnika tij, tu’n tok qtxola qib’ tuntza qb’inta tin nb’aj, ti tok, ti t-ten b’ix amble no’ktza tb’aj t-chmon tib’ tuntza tok tipamal, tun tzan otza txi’ qxpitzana ti’j tunxax tpon tpokb’al kyuya qe qxal tuj kyaja qe qyol.
Matza txi’ qin t-qenal jalawa, chjonta ma tzaj t-qo’n FGER t-txola, at tzan jun tumal tuntza kyb’inta xjal tuj kyqil qe’ qtanma, tuj qyol Kaqchikel, K’iche’, Qeqchi b’ixsa Mam, ma t’ze’l qnika tij nya’ nuq tu’n tok chb’in xjal jo’ jax tu’ntza qyola tuntza toky tb’anil qki’j.
Jun qyol o japa tuya FGER jatza La Hora o tzaj qonta jun tipamal tuntza tex pax qyol tuj kyqil Paxil, jatza tipamal ntzaj qonta tuntza tkub’ meltzaj tuj qyol ja’ nb’aja b’in b’ix ju’x tu’n tponxax t-txola tuj kywi’qe’ alkyexax t-xi’len tuntza t-b’int jun aquntl kyol xjal t-chmon tib’ b’ix tu’n tok tipamal aquntl te kyqil xal aqanal. Tun yol o japa tuntza tkub’ tqon FEGER tuntza t-txi’ yol tuj kawb’a te tuj t-txola.
Jalawa jatza FGER ma tzona qeya max txi’ qina t-qinal tuntza tok tipa mpjb’alta qeya kyuya xjal b’ix qe’ chamb’al xjal ti’ aquntl, qe’ qtanma t-chmon tib’ ti’ aquntl, b’ix t-chmon tib’ te onal b’ix kyqilx qe’ xjal nuq teka b’ix qe xjal tok ti’ kawta kelaxax qniy tij tun tok qchmon qib’ tun tok qchmon qipamal tuntza qokx tuj t-txola te kyelta te ab’ilta alkye tzin qonta tqayal tun min jaw qe’ qtanma tuya t-pwaq ja’ nxi b’aja pwaq qa lux tokx tuj qlo’j tuj kyqab’ ma’ yawin xjal.
Nimxsa xjal tuj Paxil, jexax qe’j xjal nchi’ yola quj kyol nxi’ kykeya naqch kytanma ja ma chyitzja kyeya junt xjal tijxa ju’tzunj ntzaj t-ba’ te qe ti’ qchunqalal, b’ix ti’ qxnaqatz b’ix nimxaxtl kab’l tu’ qjawchi tuj mab’ayil tuntza qitzj jayxsa txi qoqje’n.
Qej xjal ma chi jaw chin tuya qinamal, mi’ kyaj ky qon tijxa, kxelx kyi t-qenal aquntl, b’ix min kyaj kyqon nim xjal tijxa, qa ma jaw onat qe qxjal tuya aquntl oj minxax knet pwaq, jax pwaq ktzal qonta tipamal pwaq, jax pwaq kjawal qinta k’eyb’al, b’ix kjawal ti’n xjal jawna tuya tb’anil aquntl tuntza qex twitz.
Te tb’eyal qtanma nyan nuq kyuya ma xjal shtaq tu’n kyokx te aj kawal, jax ju’x qe kxel qsk’yo’ ti’j ja minti’ qipa, b’ix mix nqu okxa tuj jun aquntl te kamal.
Jalawa tuj La Hora ch’ixka qjapa tuj jok’al jnab’qi, qajtza tu’ tkub’ qklaba yol, ti nchij b’ix te kab’j.
Publicación en La Hora
Traducción realizada por Federación Guatemalteca de Escuelas Radiofónicas FGER/radiofger@fger.org